近日網上流傳多條影片和照片，顯示有野豬闖入海洋公園覓食，其中 1 張照片中更見到 1 大 4 小野豬同框。影片見到大小野豬穿梭於遊客之間覓食，見到快餐店包裝袋便不放過，由於騷擾到遊客，所以有職員出動以硬物發出敲打聲，嘗試趕走野豬。
社交網站有用戶發文表示，與親友在海洋公園「食食吓嘢，隔籬有隻野豬搶我哋嘢食」，他們立即避開，野豬「就搶咗另外一家人嘅嘢食」，笑言「海洋公園有野豬陪我哋食嘢」。網民留言指曾在海洋公園一次過見到 2 大 5 小野豬，「我上個禮拜都見過，海洋公園真係乜動物都見到」、「唔使搞熊貓經濟住，野豬經濟有得諗」。
片中可見，身穿綠衣制服的男職員手持硬物驅趕野豬，野豬則在多張木枱之間左穿右插，最終再返回木枱之間閃避。樓主強調職員「冇打隻野豬㗎！只不過打側邊啲嘢發出聲音嚇走佢」，而野豬事前曾搶走情侶的食物，職員「驚佢襲擊人，所以要趕走佢」。
許多網民同時留言指「因為其他地方搵唔到食」、「豬仔好慘」、「豬豬好可憐」、「辛苦職員」。有網民憂心野豬安危，希望能適當地驅趕，而非捕捉並人道毀滅。
除此之外，海洋公園大熊貓盈盈上周四誕下「龍鳳胎」，當時園方就表示指出生後的 3 至 4 天「收水期」將是牠們存活的關口。事隔 5 日，海洋公園主席龐建貽今日就表示，大熊貓寶寶情況穩定，不論進食或排泄方面都有專家及團隊悉心照顧。兩姊弟目前輪流讓盈盈照顧，感受母親體溫及嘗試喝初乳，希望牠們慢慢健康成長。加上本次的野豬事件，相信海洋公園可以發展埋「野豬經濟」。
