全球首場「多啦A夢」無人機將於本週六（25日）晚上在尖沙嘴星光大道一帶海濱舉行，為7月舉行的「100%多啦A夢&FRIENDS」巡迴特展預熱。有位於金鐘的酒樓就趁機推出「無人機宴」吸客，每位收費$888。
有網民在Facebook群組「香港茶餐廳及美食關注組」發文，並上傳了該金鐘酒樓的宣傳單張，圖中顯示將配合「全球首場多啦A夢無人機匯演」，推出「無人機宴」，菜式包括龍蝦、佛跳牆及元貝等，送橙汁或紅酒一杯，每位收費為$888，至少兩位起。
該貼文吸引了不少網民留言，有網民大讚酒樓有生意頭腦，「幾夠噱，不過我冇錢」、「商機」；有人認為菜式名不夠誠意，「做生意嘅...啲菜名可唔可以比啲心機改返啲有叮噹feel嘅名呀......」、「整個『記憶麵包蝦多士』咪幾好」。但同樣有不少網民認為定價過高，「睇個10多分鐘，洗成千蚊」。
另外，更多網民提出的是，無人機匯演在尖東海旁，但酒樓卻在金鐘，並非最佳觀賞位置，「用望遠鏡睇？」、「對面海睇有啲遠」、「金鐘咁遠睇鬼到咩！」等。
